jan Okowan en waso ike
jan Okowan li tawa lon poka telo suli.
nena telo li kama li tawa.
jan Okowan li kute e kalama telo.
ni li pona tawa ona.
ona li toki e kalama musi li tawa.
tenpo li pini la, ona li lukin e jan lon ma.
jan li awen anpa li tawa ala.
jan Okowan li tawa ona.
ona li moli ala.
jan Okowan li awen e ona.
tenpo lili li pini la, ona li sewi e lawa li lukin e jan Okowan.
ona li toki e ni: “waso ike li tawa seme? sina jan seme? ・・・ sina awen ala awen e mi?”
ona li nasa lukin.
jan Okowan li toki e ni: “mi tawa la, mi lukin e sina. sina tawa ala.”
jan li toki e ni: “waso ike li lon seme? ona li utala e mi. mi kama weka tan ona.”
jan Okowan li toki e ni: “mi lukin ala e waso. waso ike? sina toki e seme?”
jan li toki e ni: “sina kama tan ma ante. waso ike suli li lon ma ni. ona li kama ma tomo li alasa e jan.”
jan li lon ma tomo Pokate.
jan Okowan li sona e ni: ‘waso ike li ike kin. mi wile moli e ona.’
ona li toki e ni tawa jan: “mi wile tawa ma tomo sina li moli e waso ike.”
jan li kute e ni li pona pilin.
ona li toki e ni: “jan utala o! sina pona. o kama tawa ma tomo mi. o pakala e waso ike.”
ona li tawa ma tomo Pokate.
tomo mute li pakala.
jan mute li pakala.
jan li lukin e jan Okowan li tawa ona.
jan li toki e ni tawa ona: “jan utala, o awen e mi. o pakala e waso ike!”
jan Okowan li toki e ni: “mi wile. sina mute, o weka tan ma tomo. mi pakala e waso la, sina ken sona.”
jan ale li weka la, jan Okowan li tawa tomo suli.
ona li tawa sewi tomo suli li awen.
tenpo pimeja la kama la, waso ike kama tawa ma tomo.
waso ike lukin e jan Okowan.
waso li anpa tawa ona li jo e ona kepeken noka.
waso li tawa tomo ona.
ona li pana e jan Okowan tawa waso lili ona.
waso ike li open lape.
jan Okowan li utala e waso ike kepeken ilo moli.
waso li moli.
jan Okowan li jo e waso lon monsi ona.
ona li tawa ma tomo li sewi e waso lon sewi tomo suli.
jan pi ma tomo li ken lukin e waso li kama sona e ni: waso li moli.
ona li tawa ma tomo.
ona li ken ala lukin e jan Okowan.
ona li lukin e waso lili taso anpa waso ike.
waso lili li lili li wawa ala.
jan li awen waso lili lon poka ona.
ni li pona a tawa mi. toki musi kepeken toki pona taso li pona mute.
ReplyDeleteI like the use of separate lines for most sentences. Might the stories also like paragraph/stanzas?
pona a. o pake pali ala. mi pali e lipu mi.
ReplyDelete