lipu pi jan Jono

  jan Okowan li tawa lon poka telo suli. nena telo li kama li tawa. jan Okowan li kute e kalama telo. ni li pona tawa ona. ona li toki e kalama musi li tawa. tenpo li pini la, ona li lukin e jan lon ma. jan li awen anpa li tawa ala. jan Okowan li tawa ona. ona li moli ala. jan Okowan li awen e ona. tenpo lili li pini la, ona li sewi e lawa li lukin e jan Okowan. ona li toki e ni: “waso ike li tawa seme? sina jan seme?  ・・・  sina awen ala awen e mi?” ona li nasa lukin. jan Okowan li toki e ni: “mi tawa la, mi lukin e sina. sina tawa ala.” jan li toki e ni: “waso ike li lon seme? ona li utala e mi. mi kama weka tan ona.” jan Okowan li toki e ni: “mi lukin ala e waso. waso ike? sina toki e seme?” jan li toki e ni: “sina kama tan ma ante. waso ike suli li lon ma ni. ona li kama ma tomo li alasa e jan.” jan li lon ma tomo Pokate. jan Okowan li sona e ni: ‘waso ike li ike kin. mi wile moli e ona.’ ona li toki e ni tawa jan: “mi wile tawa ma tomo sina li moli e waso ike.” jan li kute e ni li

  pimeja li lon ale. mi lukin e ala. kalama ala li lon. mi kute e ala. ijo suli li lon pimeja. ona li pali ala e kalama. mi ken ala lukin e ona. mi ken ala kute e ona. ona li jo e kasi pimeja suli lon sewi lawa ona. luka kasi li tawa kon sewi. mi ken ala lukin e ona. mi ken ala kute e ona. waso pimeja li kama tawa kasi. waso li anpa tawa luka kasi li mu. mi ken ala lukin e ona. taso mi ken kute e ona. ijo suli li sewi oko li lukin e waso. waso li pini e mu. mi ken kute e ala.

  soweli li lape lon kasi. suno li lon sewi. suno li pana e seli tawa soweli. soweli li lukin e suno. ona li jo ala e pali. ona li lape. ale li pona. suno li tawa anpa ma. tenpo pimeja li kama. soweli li alasa e moku. ona li moku. ona li jo ala e pali. ni li pona tawa ona. ona li tawa kasi li lape. kalama ala li lon pimeja. ale li pona.

jan Okowan li tawa lon ma lete. ona li wile pali e ilo moli kepeken selo akesi. ona kute e ni: jan pi ma soweli kiwen li pali e ilo moli pona. ona li tawa ma soweli kiwen. ma soweli kiwen li lete li walo. jan Okowan li kama ma tomo wan. ona li lete mute. jan pali wan taso li ken kepeken e selo akesi. jan Okowan li toki e ni tawa jan pali: “mi jo e selo akesi. sina ken ala ken plai e ilo moli pona kepeken ona?” jan pali li toki e ni: “mi wile ala pali e ilo moli. ilo moli pona? ilo moli li ken ala pona. ilo moli ale li ike.” jan Okowan li kama sona e ni: jan pali li jo e sona lon. taso ona li jo e sona ante. ona li toki e ni tawa jan pali: “sina lon. taso mi jo e sona ante. jan ike li utala e mi la, mi wile utala e ona. tenpo ni la, mi wile e ilo moli.” toki ni li ike tawa jan pali. jan pali li toki e ni: “mi wile pali e ilo moli.” jan Okowan li wile weka tan jan pali. tenpo ni la, jan ma tomo li kama li toki e ni: “jan Laki! soweli suli li utala e ma tomo. ona li tawa tomo sina. o kama

jan li seli e kili pimeja. jan li pakala e ni. jan li pana e ni insa telo seli. jan li ken jo e telo pimeja. jan li pana e moku tawa soweli. soweli li jo e soweli lili. soweli li pana e telo walo tawa soweli lili. jan li kama jo e telo wlao tan soweli. ni la, jan li jo e telo pimeja e telo walo. jan li pana e tu tawa poki. piki pi telo pimeja walo. pona tu li kama pona wan. mi mute o moku! (taso kule ni li pimeja walo anu seme?)

(jan kiwen tu lon ma telo Jeju: ni li jan kiwen tu ante.) tenpo pini la, jan pi ma soweli lili en jan pi ma soweli suli li utalta. jan mute li moli. telo loje li tawa lon ma. utala li pini la, ala li lon. jan li ken ala lukin e soweli. jan li ken ala jo e kili. jan li ken ala pali e tomo. ale li ike. jan li awen sona e ni: ‘mi ale li wile moli. mi wile toki.’ jan lawa pi ma tu li kama poka li toki e ni: “mi awen e utala la, mi ale li wile moli. o pini e utala.” ona li toki e ni: “o pali e jan kiwen. mi luki e ona la, mi awen sona e ike pi utala pini li open ala e utala ante.” ni la, jan kiwen tu li lon selo ma tu.

mani li suli. jan li esun e moku kepeken mani. jan li esun e tomo kepeken mani. jan li esun e len kepeken mani. jan li esun e tenpo kepeken mani. jan li esun e olin kepeken mani. mani li esun e mute. jan li toki e ni la ona li toki ala lon: “mani li suli ala.” taso mi wile ala alasa e mani. kepeken nasin seme? jan mute li toki e nasin mute. taso nasin mute ni li lon ala. ni la mi wile kepeken e mani. mi wile moku e pan kepeken mani. mi wile tawa lon tomo tawa kepeken mani. mi wile esun e len sewi kepeken mani. mi wile pali li wile alasa e mani. a a a. tawa tenpo seme?

  jan li wile lawa e ma ale la ona li wile lawa e ona. jan li wile lawa e ona la ona li wile jo e sona suli. sona suli li lon pona suno. jan li wile awen e pona suno. pona suno li lon nasin. ale li jo e open e pini. jan li sona e ni la ona li ken tawa nasin.