jan kala en kala jan

ma li lon telo.

mije li lon ma lon telo.

ona li alasa e kala.

ona li jan kala pona.

tenpo ale la ona li alasa e kala mute.

ona li pana e kala mute tawa jan mute pi ma lon telo.

jan mute pi ma lon telo li olin e ona.

tenpo suno wan la ona li tawa telo li open alasa e kala.

ona li ken ala lukin e kala.

ona li ken ala alasa e kala lon tenpo suno mute.

ona li pilin ike lon tenpo suno mute.

ona li tawa telo.

ona li lukin e meli lon poka telo.

meli li pona lukin.

ona li tawa meli li toki e ni: “sina seme? mi lukin ala e sina lon ma lon telo.”

meli li toki e ni: “sina lukin ala e mi. mi kama tan telo. mi lawa e kala jan e kala. sina alasa e kala mute. ni li ike tawa kala en kala jan. ni la mi wile moli e sina.”

meli li sewi e luka li wile pakala e ona.

ona li anpa e noka li toki e ni: “mi sona ala. jan li moku e kala la jan li ken lon. o weka e ike mi!”

lawa pi kala jan li awen sona lon tenpo lili.

ona li toki e ni: “kala jan li olin e kala. jan li moli e kala. jan li wile moli. o pana e jan wan tawa mi. mi wile moli e ona li weka e ike sina.”

jan kala li toki e ni: “lawa pi kala jan o jo e mi li moli e mi. mi alasa e kala li pana e ona tawa jan. mi ike.”

lawa pi kala jan li sona ni: jan kala li pona.

ona li toki e ni: “pona. mi wile jo e sina. sina kama tawa telo li lon poka mi.”

jan pi ma lon telo li ken ala lukin e jan kala. 

tenpo li pini la mije lili li kama tan telo.

ona li toki e ni: “jan! jan kala li mama mi. ona li tawa telo. ni la sina ken lon.”

jan li anpa e lawa tawa ona.

ona li kama lawa pi ma lon telo.