soweli waso en waso

 


tenpo pini la soweli li sewi e lawa li lukin e kon.

waso li tawa lon kon.

soweli li sewi e waso li anpa e lawa tawa waso.

soweli waso kin li tawa lon kon lon poka waso.

soweli li sewi e soweli waso li anpa e lawa tawa soweli waso.

soweli waso li pilin ike.

ona li awen sona e ni: ‘mi soweli. mi ala waso. mi sama soweli. soweli li wile ala sewi e mi.’

soweli waso li tawa kulupu soweli li toki e ni: “soweli o. mi soweli. mi ala waso. sina wile ala sewi e mi.”

kulupu soweli li kute e ni li pilin ike.

ona li toki e ni: “sina ala waso. taso sina tawa lon con. ni li ike tawa sewi. sina pali ike tawa waso en mi. sina ike. o tawa weka tan mi! o tawa weka waso sewi!”

soweli waso li pilin ike.

ona li jo e pilin pona tawa kulupu soweli.

tenpo ni la ona li pilin ike tawa kulupu soweli.

ona li wan taso.

taso waso li tawa lon kon lon poka ona.

waso li jo ala e pilin ike tawa soweli waso.

ona li olin e tawa lon kon lon poka soweli waso.

soweli waso li awen sona e ni: ‘soweli li sona ala e mi. waso li sona e mi. mi sama waso. mi ante soweli. mi wile ala pana e olin sin tawa soweli.’

ona li kama ala sin tawa soweli.

ona li tawa lon kon lon poka waso.


sina o sona e jan pona sina!

jan pona sina li sona e sina.

o pana e olin tawa jan pona taso! 

Comments

  1. AnonymousMarch 9, 2023 at 10:40 AM

    o pana pona tawa jan ale. o olin jan pona sina

    ReplyDelete
  2. jan Temon PeneneMarch 10, 2023 at 2:26 AM

    mi pilin e ni: toki sina li lon. mi olin e toki sina. o pana e toki sin a

    ReplyDelete

Post a Comment

Popular posts from this blog

moku sewi

Image
jan mute li toki e ni: “tenpo pini la jan sewi li kama tan kon sewi li pana e moku. moku ni li pana e wawa tawa jan. jan wan li moku e ni li kama jan wawa. ona li kama jan lawa pi jan mute.” jan mute li alasa e moku ona lon tenpo mute. ante la ona li jo ala e moku ona. tenpo suno wan la jan wan li tawa nena pimeja suli. ona li kute e ni: “jan sewi li pimeja. ona li tawa ala sewi. ona li kama nena pimeja suli lon ma. jan li ken jo e moku sewi lon nena pimeja suli!” jan li alasa lon nena pimaja ale. ante la ona li ken ala lukin e moku sewi. ona li pilin ike li jo ala e wawa. ona li tawa anpa pi nena pimeja li kama lape. tenpo li pini la ona li pini lape. ona li lukin e poka ale. ona li lukin e lupa. ona li tawa insa lupa. ona li lon insa la ona li lukin e kili pimeja. kili li pimeja kin li jo e suno. ona li moku e kili. ona li pilin ike. ante la ona li kama pona. ona li pilin wawa lon insa ona. ona li weka tan nena pimeja li tawa ma tomo. ona li moli e jan lawa pi ma tomo li kama jan law
Read more

jan Okowan en waso ike

Image
  jan Okowan li tawa lon poka telo suli. nena telo li kama li tawa. jan Okowan li kute e kalama telo. ni li pona tawa ona. ona li toki e kalama musi li tawa. tenpo li pini la, ona li lukin e jan lon ma. jan li awen anpa li tawa ala. jan Okowan li tawa ona. ona li moli ala. jan Okowan li awen e ona. tenpo lili li pini la, ona li sewi e lawa li lukin e jan Okowan. ona li toki e ni: “waso ike li tawa seme? sina jan seme?  ・・・  sina awen ala awen e mi?” ona li nasa lukin. jan Okowan li toki e ni: “mi tawa la, mi lukin e sina. sina tawa ala.” jan li toki e ni: “waso ike li lon seme? ona li utala e mi. mi kama weka tan ona.” jan Okowan li toki e ni: “mi lukin ala e waso. waso ike? sina toki e seme?” jan li toki e ni: “sina kama tan ma ante. waso ike suli li lon ma ni. ona li kama ma tomo li alasa e jan.” jan li lon ma tomo Pokate. jan Okowan li sona e ni: ‘waso ike li ike kin. mi wile moli e ona.’ ona li toki e ni tawa jan: “mi wile tawa ma tomo sina li moli e waso ike.” jan li kute e ni li
Read more

pipi suwi

Image
tenpo pini la jan en soweli li moku e pipi. pipi li suwi li pona tawa jan en soweli. pipi mute li lon la jan li wile ala pali. jan li moku e pipi li lape li pali ala.  pipi mute li lon la soweli wile ala alasa. soweli li moku e pipi li lape li alasa ala. ma ale li kama nasa. meli sona li lukin e ni li pilin ike. ona li toki e ni tawa jan sewi: “jan sewi o kute. jan li pali ala. soweli li alasa ala. ma ale li nasa. jan sewi o awen e mi mute weka tan ike.” jan sewi li kute e ni. ona li awen sona. ona li weka e suwi tan pipi. tenpo ni la pipi li kama jaki. jan en soweli li ken ala moku e pipi. jan li wile pali mute. soweli li wile alasa mute. ma ale li kama ala kama pona?
Read more