meli lili pi luka tu tu
ona li jo e luka tu tu.
ni li pona ala tawa jan ante.
jan ante li toki e ike tawa ona.
ona li pilin ike.
ona li tawa ma kasi li pana e telo oko.
jan li tawa lon ma kasi li lukin e ni.
jan li toki e ni: “meli lili! slna pana e telo oko tan seme?”
meli lili li pini li toki ni: “jan li toki e ike tawa mi tan luka tu tu mi.”
ona li open e luka tu tu tawa jan.
jan ni li lukin li sewi e pini uta.
meli lili li pilin e ni: jan li pilin ike tan ona.
jan ni li pilin ala ike.
ona li toki e ni: “meli lili! o lukin e soweli en pipi en kala. ona li ante la ona li pilin ala ike. soweli li jo ala e luka la ona li pilin ala ike. pipi li jo e noka mute la ona li pilin ala pona. kala li jo ala e luka en noka la ona li tawa lon insa telo.”
meli li li pilin pona tan toki ni.
ona li wile kute e toki jan ni li toki e ni: “jan sona! o toki e sona tawa mi. toki sina li pana e sona tawa mi.”
jan sona li toki ni: “meli lili! o pilin ala ike tan luka tu tu sina. jan sewi li pana e ijo pona tawa sina. ijo ante li ijo ike ala li ijo pona kin. tenpo kama la sina wile sona e ni.”
meli lili li jo e pilin pona li kama tawa tomo.
tenpo suno wan la tomo poka tomo ona li lon seli.
jan ma tomo li kama li wile moli e seli.
meli lili li wile pana e telo tawa seli.
ona li pana telo kepeken luka tu tu ona.
ona li ken pana e telo mute.
ni li pona tawa ona.
tenpo suno ante la ona li esun e moku li tawa tomo ona.
soweli suli li tawa wawa lon nasin.
tenpo ni la jan lili li lon nasin.
ijo mute li lon luka tu.
ona li alasa jan lili kepeken luka tu ante.
ona li pilin pona tan ni: ona li jo e luka tu tu la ona li ken alasa e jan lili.
ona li sona e toki pi jan sona.
luka tu tu ona li kin ijo pona tan jan sewi.
ona li pilin pona.
Comments
Post a Comment