jan utala pi luka kwien en noka kiwen

tenpo pini wan la ma tomo suli li lon.

jan pona li lon ma tomo ni.

ona li jan pi pali ilo.

ona li pali e ilo moli pona.

jan mute li kama li esun e ilo moli ona.

tenpo wan la kulupu li kama tawa esun ona.

kulupu li jan mute pi jan lawa ma tomo.

jan wan lon kulupu li tawa ona li toki e ni: “o pali e ilo moli mute tawa jan lawa ma tomo. ilo moli sina li pona mute tawa ona.”

toki ni li pona tawa ona.

ona li toki e ni: “mi wile pali e ilo moli pona. pini la mi wile pana e ona tawa sina.”

ona li pali lon tenpo suno li pali lon tenpo pimeja.

tenpo suno mute li tawa pini.

ona li pini e pali.

ona li pilin ike tan pali mute.

ona li lape li moku la ona li pilin pona.

ona li tawa tomo pi jan lawa ma tomo.

ona li pana e ilo moli tawa jan lawa.

ilo moli li pona tawa jan lawa.

jan lawa li pana e mani mute tawa ona.

ni li pona tawa ona.

ona li toki e nimi pona tawa jan lawa.

ona li kama tawa tomo ona.

meli en jan lili ona li lon tomo.

ona li pana e mani tawa meli ona li wile e moku pona.

ni li pona tawa meli en jan lili ona.

ona li pilin pona.

tenpo suno mute li pini la ona li pali.

jan li kama tawa ona li toki e ni: “jan ike mute li kama tawa ma tomo sina li moli e jan mute.”

ona li pilin ike li tawa tomo ona.

tomo ona li lon seli.

ona li wile tawa insa tomo.

ona li ken ala.

meli en jan lili ona li moli lon insa tomo.

ona li kama sona e ni: jan lawa ma tomo li lawa e moli.

ona li tawa mute jan lawa li toki e ni: “sina moli e meli en jan lili mi tan seme?”

jan lawa li toki e ni: “mi toki e ni tawa sina tan seme? mi wile la mi ken.”

jan lawa li lukin e jan li toki e ni: “o kipisi e luka wan en noka wan. pini la o weka e ona.”

jan li pali e toki jan lawa.

ona li tawa tomo ona kepeken luka wan en noka wan.

ona li wile moli e jan lawa li pali e luka kiwen en noka kiwen.

ona li jan pi pali ilo pona.

ona li pali e luka kiwen pona en noka kiwen wawa.

ona li jo e luka kiwen en noka kiwen tawa sijelo ona.

ona li ken kipisi e kiwen kepeken luka kiwen ona.

ona li ken pakala e kiwen kepeke noka kiwen ona.

ona li weka tawa nena.

ona li kama sona e nasin utala en nasin moli.

tenpo sike wan tu li pini la ona li jan utala wawa.

tenpo suno wan la jan wan pi jan lawa li moli.

tenpo suno wan li pini la jan ante pi jan lawa li moli.

tenpo li pini la jan mute pi jan lawa li moli.

ona li moli e jan pi jan lawa.

jan ale pi jan lawa li moli la ona li lon sinpin pi jan lawa.

jan lawa li pilin ike li toki e ni: “sina moli ala e mi la mi pana mai mute tawa sina. sina ken jo e wawa lon poka mi.”

ona li toki e ni: “mani li pana ala e meli en jan lili mi tawa mi.”

jan lawa li toki e ni: “ilo moli sina li moli e meli en jan lili sina. sina moli e ni.”

ona li pilin ike.

ona li mu ike li kipisi e lawa pi jan lawa.

ona li tawa ma moli pi meli en jan lili ona.

ona li pana e telo oko li weka tan ma moli.

ni la jan li lukin ala e ona.