akesi lete pi nena walo

akesi lete li lon nena walo.

akesi lete li kama tawa ma tomo li alasa e jan e soweli.

jan li pilin ike.

jan li wile utala e akesi lete.

ante la jan li ken ala utala e akesi lete.

akesi lete li suli en wawa li jo e selo kiwen.

jan li ken ala kipisi e selo kiwen pi akesi lete.

tenpo suno wan la akesi lete li kama tawa ma tomo li toki e ni: “jan, sike suno ale la, o pana e meli lili wan tawa mi. kama la mi wile ala alasa e sina.”

jan pi ma tomo li pilin pona li pana e toki pona pi akesi lete.

akesi lete li toki e ni: “tenpo suno tu wan li pini la mi wile kama tawa sina li wile jo e meli nanpa wan.”

akesi lete li tawa nena walo.

jan pi ma tomo li toki li toki li toki.

ante la jan ala li wile pana e meli lili ona tawa akesi lete.

jan li utala.

tenpo ni la meli lili wan li kama tawa sinpin li toki e ni: “mi wile tawa akesi lete. sina o utala ala.”

ona li jo ala e mama.

ona li sona e ni: ‘jan pi ma tomo li pana e pona tawa mi. mi wile pana tawa jan pana.’

jan pi ma tomo li pilin ike li anpa e lawa ona.

meli lili li sewi e pini uta li toki e ni: “o pilin ala ike. sina pana e ale tawa mi. mi pana e ni tawa sina taso.”

jan li sona sama li toki e pona tawa ona.

meli lili li olin e mije lili.

mije lili li jan lili pi jan lawa pi ma tomo.

ona li jan utala wawa.

ona li wile ala pana e meli lili tawa akesi lete.

ona li wile utala e akesi lete.

ante la meli lili li toki e ni: “olin mi o utala ala e akesi lete. akesi lete li wawa li jo e selo kiwen. sina ken ala kipisi e ona.”

mije lili li toki e ni: “mi ken ala pana e sina. mi wile utala li wile moli.”

meli lili li pilin pona li toki e ni: “mi pilin pona tan toki sina. tenpo ni la o pana e mi tawa akesi lete. mi wile alasa e wawa ala pi akesi lete li sitelen e ni lon sijelo pi akesi lete. tenpo ni la o utala e ni. akesi lete li wile moli. ma tomo mi li wile pona.”

mije lili li sona sama.

tenpo suno tu wan li pini la akesi lete li kama tawa ma tomo.

meli lili li tawa akesi lete.

akesi lete li lukin e ona li pilin pona.

akesi lete li jo e ona li tawa nena walo.

sike suno wan li pini la akesi lete li kama tawa ma tomo li toki e ni: “jan o pana e meli lili nanpa tu tawa mi.”

jan pi ma tomo li toki e ala li pana e meli lili wan tawa akesi lete.

akesi lete li ken ala lukin e sinpin lawa pi meli lili.

meli lili li anpa e lawa ona.

ante la ona li ken lukin e akesi lete.

ona li ken lukin e sitelen lon sinpin sijelo pi akesi lete.

ona li kipisi e sitelen kepeken ilo moli.

telo loje li kama tan akesi lete.

akesi lete li moli.

meli lili li sewi e lawa ona.

ona li ala meli lili.

ona li mije lili en jan utala wawa.

ona li pana e moli pi meli lili ona tawa akesi lete.

jan pi ma tomo li tawa nena walo.

ona li alasa e sijelo pi meli lili.

ona li lukin e kiwen sijelo pi meli lili.

ona li weka e ni lon poka pi ma tomo.

sike tenpo ale la jan pi ma tomo li awen sona pi meli lili.