lipu pi jan Jono

jan mute li toki e ni: “tenpo pini la jan sewi li kama tan kon sewi li pana e moku. moku ni li pana e wawa tawa jan. jan wan li moku e ni li kama jan wawa. ona li kama jan lawa pi jan mute.” jan mute li alasa e moku ona lon tenpo mute. ante la ona li jo ala e moku ona. tenpo suno wan la jan wan li tawa nena pimeja suli. ona li kute e ni: “jan sewi li pimeja. ona li tawa ala sewi. ona li kama nena pimeja suli lon ma. jan li ken jo e moku sewi lon nena pimeja suli!” jan li alasa lon nena pimaja ale. ante la ona li ken ala lukin e moku sewi. ona li pilin ike li jo ala e wawa. ona li tawa anpa pi nena pimeja li kama lape. tenpo li pini la ona li pini lape. ona li lukin e poka ale. ona li lukin e lupa. ona li tawa insa lupa. ona li lon insa la ona li lukin e kili pimeja. kili li pimeja kin li jo e suno. ona li moku e kili. ona li pilin ike. ante la ona li kama pona. ona li pilin wawa lon insa ona. ona li weka tan nena pimeja li tawa ma tomo. ona li moli e jan lawa pi ma tomo li kama jan law...

  tenpo pini la ala li lon. soweli lili li kama tan lupa pi ma. ona li lukin e ma li toki e ni: “mi taso lon ma. mi nanpa wan!” soweli suli li kama tawa monsi pi soweli lili. ona li moku e soweli lili li toki e ni: “mi moku e soweli lili. mi nanpa wan!” ona li lukin e soweli tawa. onal li wile moku li alasa e soweli tawa. ona li ken ala alasa e soweli tawa. soweli tawa li toki e ni: “sina ken ala jo e mi. mi nanpa wan!” ona li tawa weka. soweli suli li lukin e soweli kiwen. ona li wile moku kin li alasa e soweli kiwen. ona li jo e soweli kiwen. ante la ona li ken ala moku e soewli kiwen tan selo kiwen. soweli kiwen li toki e ni: “ala li ken moku e mi tan selo kiwen mi. mi nanpa wan!” soweli suli li moku e ala li moli. tenp wan la telo suli li kama suli mute. soweli tawa en soweli kiwen li tawa anpa telo suli mute. ona li ken ala jo e kon lon telo li moli. soweli telo li lukin e ni lon telo suli mute. ona li toki e ni: “mi taso ken lon telo suli mute. mi nanpa wan!” ante la telo sul...

ma kasi li jo e kasi mute. ni la suno li ken ala lon ma kasi. jan li alasa ala e nasin. jan mute li moli lon ma kasi. ona li lon ma kasi lon tenpo mute. ona li kama kalama lon ma kasi. kalama ni li toki tawa jan lon ma kasi. jan li sona ala e nasin tan kalama ni li moli. ona li kama kalama sin lon ma kasi. tenpo suno wan la meli lili li kama tawa ma kasi. ona li kama tan nena walo. ona li alasa e wile pona. kalama pi ma kasi li wile toki tawa ona li wile moli e ona. ante la kalama li ken ala toki tawa ona. ona li ken ala kute e kalama. ona li ken ala kute ale. kalama pi ma kasi li sona ala e ni. kalama li toki li toki li toki. meli lili li tawa li tawa li tawa. kalama li pilin ike. ona li kama lon sinpin pi meli lili. ante la meli lili tawa kalama pi ma kasi li weka tan ma kasi. kalama pi ma kasi li sona ala e ni: jan li ken ala lukin e kalama. meli lili li kute ala li lukin ala. ona li taso alasa e wile pona. 

telo li tawa ala. ante la telo li tawa. telo li kama tan sewi li tawa anpa. telo li tawa ala lon lupa. ante la telo li tawa mute lon supa nena. telo li wawa ala. telo li tawa lon poka pi ijo. ante la telo li wawa. telo li pakala e kiwen lon tenpo mute. teli li lili. ante la telo li suli. telo li tawa telo suli tan telo lili. telo li kama tan sewi. telo li awen on anpa. telo li telo. telo li kama kon lon seli. telo li kama kiwen lon lete. telo li tawa li tawa ala. telo li wawa li wawa ala. telo li lili li suli. telo li ante. telo li telo. ni li nasin pi telo.

akesi lete li lon nena walo. akesi lete li kama tawa ma tomo li alasa e jan e soweli. jan li pilin ike. jan li wile utala e akesi lete. ante la jan li ken ala utala e akesi lete. akesi lete li suli en wawa li jo e selo kiwen. jan li ken ala kipisi e selo kiwen pi akesi lete. tenpo suno wan la akesi lete li kama tawa ma tomo li toki e ni: “jan, sike suno ale la, o pana e meli lili wan tawa mi. kama la mi wile ala alasa e sina.” jan pi ma tomo li pilin pona li pana e toki pona pi akesi lete. akesi lete li toki e ni: “tenpo suno tu wan li pini la mi wile kama tawa sina li wile jo e meli nanpa wan.” akesi lete li tawa nena walo. jan pi ma tomo li toki li toki li toki. ante la jan ala li wile pana e meli lili ona tawa akesi lete. jan li utala. tenpo ni la meli lili wan li kama tawa sinpin li toki e ni: “mi wile tawa akesi lete. sina o utala ala.” ona li jo ala e mama. ona li sona e ni: ‘jan pi ma tomo li pana e pona tawa mi. mi wile pana tawa jan pana.’ jan pi ma tomo li pilin ike li anpa e...

lupa pimeja li lon. lupa pimeja li sona e ala. lupa pimeja li pilin e ala. lupa pimeja li lukin e ala. lupa pimeja li kute e ala. lupa pimeja li tawa ala. lupa pimeja li kama ala. lupa pimeja li lon taso. lupa pimeja li jo e ala. taso lupa pimeja li ken jo e ale. suno li wile tawa lupa pimeja. pimeja li wile tawa lupa pimeja. sewi li wile tawa lupa pimeja. anpa li wile tawa lupa pimeja. ale li wile tawa lupa pimeja. lupa pimeja li jo e ale la ala li lon. lupa pimeja li jo e ale la lupa pimeja li lon ala. taso ala li lon. tenpo ni la ijo sin li kama tan ala. 

tenpo pini la meli lili li lon. ona li jo e luka tu tu. ni li pona ala tawa jan ante. jan ante li toki e ike tawa ona. ona li pilin ike. ona li tawa ma kasi li pana e telo oko. jan li tawa lon ma kasi li lukin e ni. jan li toki e ni: “meli lili! slna pana e telo oko tan seme?” meli lili li pini li toki ni: “jan li toki e ike tawa mi tan luka tu tu mi.” ona li open e luka tu tu tawa jan. jan ni li lukin li sewi e pini uta. meli lili li pilin e ni: jan li pilin ike tan ona. jan ni li pilin ala ike. ona li toki e ni: “meli lili! o lukin e soweli en pipi en kala. ona li ante la ona li pilin ala ike. soweli li jo ala e luka la ona li pilin ala ike. pipi li jo e noka mute la ona li pilin ala pona. kala li jo ala e luka en noka la ona li tawa lon insa telo.” meli li li pilin pona tan toki ni. ona li wile kute e toki jan ni li toki e ni: “jan sona! o toki e sona tawa mi. toki sina li pana e sona tawa mi.” jan sona li toki ni: “meli lili! o pilin ala ike tan luka tu tu sina. jan sewi li pana e ...

tenpo pini wan la ma tomo suli li lon. jan pona li lon ma tomo ni. ona li jan pi pali ilo. ona li pali e ilo moli pona. jan mute li kama li esun e ilo moli ona. tenpo wan la kulupu li kama tawa esun ona. kulupu li jan mute pi jan lawa ma tomo. jan wan lon kulupu li tawa ona li toki e ni: “o pali e ilo moli mute tawa jan lawa ma tomo. ilo moli sina li pona mute tawa ona.” toki ni li pona tawa ona. ona li toki e ni: “mi wile pali e ilo moli pona. pini la mi wile pana e ona tawa sina.” ona li pali lon tenpo suno li pali lon tenpo pimeja. tenpo suno mute li tawa pini. ona li pini e pali. ona li pilin ike tan pali mute. ona li lape li moku la ona li pilin pona. ona li tawa tomo pi jan lawa ma tomo. ona li pana e ilo moli tawa jan lawa. ilo moli li pona tawa jan lawa. jan lawa li pana e mani mute tawa ona. ni li pona tawa ona. ona li toki e nimi pona tawa jan lawa. ona li kama tawa tomo ona. meli en jan lili ona li lon tomo. ona li pana e mani tawa meli ona li wile e moku pona. ni li pona ta...