lipu pi jan Jono

tenpo pini la jan en soweli li moku e pipi. pipi li suwi li pona tawa jan en soweli. pipi mute li lon la jan li wile ala pali. jan li moku e pipi li lape li pali ala.  pipi mute li lon la soweli wile ala alasa. soweli li moku e pipi li lape li alasa ala. ma ale li kama nasa. meli sona li lukin e ni li pilin ike. ona li toki e ni tawa jan sewi: “jan sewi o kute. jan li pali ala. soweli li alasa ala. ma ale li nasa. jan sewi o awen e mi mute weka tan ike.” jan sewi li kute e ni. ona li awen sona. ona li weka e suwi tan pipi. tenpo ni la pipi li kama jaki. jan en soweli li ken ala moku e pipi. jan li wile pali mute. soweli li wile alasa mute. ma ale li kama ala kama pona?

ma li lon telo. mije li lon ma lon telo. ona li alasa e kala. ona li jan kala pona. tenpo ale la ona li alasa e kala mute. ona li pana e kala mute tawa jan mute pi ma lon telo. jan mute pi ma lon telo li olin e ona. tenpo suno wan la ona li tawa telo li open alasa e kala. ona li ken ala lukin e kala. ona li ken ala alasa e kala lon tenpo suno mute. ona li pilin ike lon tenpo suno mute. ona li tawa telo. ona li lukin e meli lon poka telo. meli li pona lukin. ona li tawa meli li toki e ni: “sina seme? mi lukin ala e sina lon ma lon telo.” meli li toki e ni: “sina lukin ala e mi. mi kama tan telo. mi lawa e kala jan e kala. sina alasa e kala mute. ni li ike tawa kala en kala jan. ni la mi wile moli e sina.” meli li sewi e luka li wile pakala e ona. ona li anpa e noka li toki e ni: “mi sona ala. jan li moku e kala la jan li ken lon. o weka e ike mi!” lawa pi kala jan li awen sona lon tenpo lili. ona li toki e ni: “kala jan li olin e kala. jan li moli e kala. jan li wile moli. o pana e jan

tenpo pini la jan sona suli li lon nena kiwen suli. jan mute li olin e ona li lukin sewi e ona. jan mute ante li pilin ike tan ona li toki e ike tawa ona. ona li toki e ala tawa jan pona en jan ike. ona li sewi e pini uta taso. tenpo suno wan la jan li kama li toki e ni: “mi pilin ike tan ale mi. mi jo ala e mani. mi jo ala e jan olin. mi jo ala e wawa. mi ken e seme?” jan sona suli li toki e ala. ona li sewi e pini uta taso. ni la jan li pilin pona. jan li weka lon pilin pona. tenpo ante la jan ante li kama li toki e ni: “mi pilin ike tan ale mi. mi jo e ale. mi jo e mani mute. mi jo e jan olin. mi jo e wawa. ante la ale li pana ala e pona tawa mi. mi ken e seme?” jan sona suli li toki e ala. ona li anpa e telo oko taso. ni la jan li pilin pona. jan li weka lon pilin pona. jan wan li lukin e ni li toki e ni tawa jan sona suli: “sina toki e ala li sewi e pini uta anu li anpa e telo oko. jan li pilin pona tan seme?” jan sona suli li toki e ala. ona li lukin e jan taso. ni li pana e sona

jan mute li toki e ni: “tenpo pini la jan sewi li kama tan kon sewi li pana e moku. moku ni li pana e wawa tawa jan. jan wan li moku e ni li kama jan wawa. ona li kama jan lawa pi jan mute.” jan mute li alasa e moku ona lon tenpo mute. ante la ona li jo ala e moku ona. tenpo suno wan la jan wan li tawa nena pimeja suli. ona li kute e ni: “jan sewi li pimeja. ona li tawa ala sewi. ona li kama nena pimeja suli lon ma. jan li ken jo e moku sewi lon nena pimeja suli!” jan li alasa lon nena pimaja ale. ante la ona li ken ala lukin e moku sewi. ona li pilin ike li jo ala e wawa. ona li tawa anpa pi nena pimeja li kama lape. tenpo li pini la ona li pini lape. ona li lukin e poka ale. ona li lukin e lupa. ona li tawa insa lupa. ona li lon insa la ona li lukin e kili pimeja. kili li pimeja kin li jo e suno. ona li moku e kili. ona li pilin ike. ante la ona li kama pona. ona li pilin wawa lon insa ona. ona li weka tan nena pimeja li tawa ma tomo. ona li moli e jan lawa pi ma tomo li kama jan law

  tenpo pini la ala li lon. soweli lili li kama tan lupa pi ma. ona li lukin e ma li toki e ni: “mi taso lon ma. mi nanpa wan!” soweli suli li kama tawa monsi pi soweli lili. ona li moku e soweli lili li toki e ni: “mi moku e soweli lili. mi nanpa wan!” ona li lukin e soweli tawa. onal li wile moku li alasa e soweli tawa. ona li ken ala alasa e soweli tawa. soweli tawa li toki e ni: “sina ken ala jo e mi. mi nanpa wan!” ona li tawa weka. soweli suli li lukin e soweli kiwen. ona li wile moku kin li alasa e soweli kiwen. ona li jo e soweli kiwen. ante la ona li ken ala moku e soewli kiwen tan selo kiwen. soweli kiwen li toki e ni: “ala li ken moku e mi tan selo kiwen mi. mi nanpa wan!” soweli suli li moku e ala li moli. tenp wan la telo suli li kama suli mute. soweli tawa en soweli kiwen li tawa anpa telo suli mute. ona li ken ala jo e kon lon telo li moli. soweli telo li lukin e ni lon telo suli mute. ona li toki e ni: “mi taso ken lon telo suli mute. mi nanpa wan!” ante la telo suli mu

ma kasi li jo e kasi mute. ni la suno li ken ala lon ma kasi. jan li alasa ala e nasin. jan mute li moli lon ma kasi. ona li lon ma kasi lon tenpo mute. ona li kama kalama lon ma kasi. kalama ni li toki tawa jan lon ma kasi. jan li sona ala e nasin tan kalama ni li moli. ona li kama kalama sin lon ma kasi. tenpo suno wan la meli lili li kama tawa ma kasi. ona li kama tan nena walo. ona li alasa e wile pona. kalama pi ma kasi li wile toki tawa ona li wile moli e ona. ante la kalama li ken ala toki tawa ona. ona li ken ala kute e kalama. ona li ken ala kute ale. kalama pi ma kasi li sona ala e ni. kalama li toki li toki li toki. meli lili li tawa li tawa li tawa. kalama li pilin ike. ona li kama lon sinpin pi meli lili. ante la meli lili tawa kalama pi ma kasi li weka tan ma kasi. kalama pi ma kasi li sona ala e ni: jan li ken ala lukin e kalama. meli lili li kute ala li lukin ala. ona li taso alasa e wile pona. 

telo li tawa ala. ante la telo li tawa. telo li kama tan sewi li tawa anpa. telo li tawa ala lon lupa. ante la telo li tawa mute lon supa nena. telo li wawa ala. telo li tawa lon poka pi ijo. ante la telo li wawa. telo li pakala e kiwen lon tenpo mute. teli li lili. ante la telo li suli. telo li tawa telo suli tan telo lili. telo li kama tan sewi. telo li awen on anpa. telo li telo. telo li kama kon lon seli. telo li kama kiwen lon lete. telo li tawa li tawa ala. telo li wawa li wawa ala. telo li lili li suli. telo li ante. telo li telo. ni li nasin pi telo.