pipi suwi
tenpo pini la jan en soweli li moku e pipi. pipi li suwi li pona tawa jan en soweli. pipi mute li lon la jan li wile ala pali. jan li moku e pipi li lape li pali ala. pipi mute li lon la soweli wile ala alasa. soweli li moku e pipi li lape li alasa ala. ma ale li kama nasa. meli sona li lukin e ni li pilin ike. ona li toki e ni tawa jan sewi: “jan sewi o kute. jan li pali ala. soweli li alasa ala. ma ale li nasa. jan sewi o awen e mi mute weka tan ike.” jan sewi li kute e ni. ona li awen sona. ona li weka e suwi tan pipi. tenpo ni la pipi li kama jaki. jan en soweli li ken ala moku e pipi. jan li wile pali mute. soweli li wile alasa mute. ma ale li kama ala kama pona?