jan Okowan en ko pimeja
tenpo suno mute li pini la, ona li ken lon ma tomo Tain.
ma tomo Tain li suli li jo e jan mute.
jan Okowan li alasa e pali lon ni.
ona li tawa tomo pi telo nasa.
pali jan utala mute li lon ni.
ona li lukin e lipu lon supa.
lipu mute li pona ala tawa ona.
lipu wan taso li pona tawa ona.
“ko pimeja: mani mute mute”
lipu li toki e ni: “ko pimeja li ike li wawa. jan li moli e ni la, ona li ken jo e mani mute mute. ko pimeja li lon tomo kiwen suli pi nena jelo.”
jan Okowan li jo e lipu li tawa nena jelo.
nena jelo li lon poka pi ma tomo Tain.
jan Okowan li sewi lon nena jelo.
nena jelo li suli li jo ala e kasi.
jan Okowan li kepeken e wawa mute.
tenpo mute li pini la, ona li ken lon sinpin pi tomo kiwen suli.
ona li lukin e tomo kiwen suli.
ala li lon poka pi tomo kiwen suli.
jan Okowan li tawa insa.
ona li lukin e jan wan lon insa.
jan li moli lukin.
jan Okowan li kute e kon jan.
jan li moli ala.
jan Okowan li anpa poka ona li awen.
tenpo li pini la, jan li open e oko li lukin e jan Okowan.
ona li toki e ni: “jan utala o! ko pimeja li utala e mi. mi pakala. o pana e pona tawa mi.”
jan Okowan li sewi e jan.
jan li toki e ni: “sina alasa ala alasa e ko pimeja? mi ken pana e pona tawa sina. mi jan sewi.”
jan Okowan li toki e ni: “pona! mi mute o tawa li moli e ko pimeja.”
ona li open tawa.
ona li lukin e nasin tawa anpa.
ona li tawa anpa.
ona li kama ma anpa la, jan moli mute li utala e ona.
ona li utala e jan moli.
jan moli mute li lon.
taso ona li ken moli e jan moli ale.
jan sewi li wawa li pana e pona tawa jan Okowan.
ona li lukin e nasin tawa anpa sin.
ona li tawa anpa.
ona li kama ma anpa la, ona li ken lukin ala.
suno ala li lon.
ona li pali e seli.
jan Okowan li lukin e jan sewi la, jan sewi li wile utala e jan Okowan kepeken palisa.
jan Okowan li tawa poka.
jan sewi li utala sin e jan Okowan.
jan Okowan li tawa poka sin.
ona li sewi e ilo moli pi selo akesi li utala e jan sewi.
ilo moli ona li tu e palisa seli e jan sewi.
ko pimeja li kama tan lupa pi jan sewi.
ko pimeja li wile tawa insa jan Okowan.
jan Okowan li seli e ni kepeken ilo moli ona.
ko pimeja li kama ko jaki li weka e wawa.
jan Okowan li jo e ko jaki lon poki.
ona li tawa ma tomo Tain.
ona li tawa tomo pi telo nasa.
ona li pana e poki tawa jan lawa.
jan lawa li lukin e insa li mu.
ona li toki e ni: “jan utala o! ni li ko jaki. ni li ko pimeja ala. mi ken ala pana e mani tawa sina.”
jan Okowan li ike pilin.
taso jan lawa li lon.
ko jaki li ko jaki kin.
jan Okowan li mu mute li weka tan tomo pi telo nasa.
Comments
Post a Comment