jan Okowan en tomo tawa telo ike

 

jan Okowan li tawa poka telo suli.

ona li wile tawa ma telo Pokan.

soweli ike suli li utala e jan lon ma telo Pokan.

jan li wile e ni: jan utala li kama tawa ma telo Pokan li moli e soweli ike suli.

jan Okowan li kute e ni li wile tawa ma telo Pokan.

ona li lukin e tomo tawa telo tawa ma telo Pokan.

jan pi tomo tawa telo li wile ala tawa ona.

jan li toki e ni: “nena telo suli li lon nasin telo tawa ma telo Pokan. soweli ike suli li lon ma telo Pokan. mi ken ala tawa ona.”

tenpo suno wan li pini.

jan Okowan li lukin e tomo tawa telo.

jan wan li kama tawa ona li toki e ni: “sina wile ala wile e tomo tawa telo tawa ma telo Pokan?”

jan Okowan li toki e ni: “wile!”

jan li toki e ni: “mi li jo e tomo tawa telo li ken tawa e sina.”

ni li pona tawa jan Okowan.

ona li toki e ni: “pona! sina ken tawa lon tenpo seme?”

jan li toki e ni: “mi wile tawa lon tenpo suno sewi. tenpo ni la, o kama!”

jan Okowan li toki e ni: “mi wile kama lon tenpo ni.”

ona li weka tan jan li esun e ijo.

ona li tawa poka telo suli.

ona li ken lukin e jan e tomo tawa telo.

jan mute li lon tomo tawa telo.

jan Okowan li tawa sewi ona.

ona li weka tan ma.

tenpo suno wan li pini.

jan Okowan li lukin e telo taso.

ona li ken ala lukin e ma.

jan mute li kama tawa ona li toki e ni: “jan Okowan o. mi jan utala telo! o pana e ilo moli li pana e ijo sina tawa mi. sina pana ala e ijo sina la, mi mute li wile  moli e sina.”

jan Okowan li lon tomo tawa telo ike.

ona li toki e ni: “tomo tawa telo li tawa ala tawa ma telo Pokan?”

kulupu jan ike li mu.

jan wan li toki e ni: “mi mute li pali e toki pi soweli ike suli. jan utala li kama tawa ma telo Pokan la, mi mute li moli e ona lon telo suli. mi mute li ken jo e ijo e mani.”

jan Okowan li mu.

ona li toki e ni: “soweli ike suli li lon ala lon ma telo Pokan?”

jan ike li toki e ni: “ala!”

jan Okowan li toki e ni: “jan pi ma telo Pokan li pakala ala pakala?”

jan ike li toki e ni: “ala!”

jan Okowan li sewi e pini uta li toki e ni: “pona! mi wile ala tawa ma telo Pokan, o sike e tomo tawa telo!”

jan ike li mu li toki e ni: “sina kute ala kute e toki mi? mi wile moli e sina li jo e ijo sina.”

jan Okowan li sewi e ilo moli li toki e ni: “sina ken la, o moli e mi, o jo e ijo mi!”

jan ike li utala e jan Okowan.

taso jan Okowan li wawa.

ona li ken pakala e jan ike ale.

ona li toki e ni: “mi wile ala moli e sina ale. sina o tawa ma tomo lon poka telo suli.”

tenpo li pini la, jan Okowan li ken lon ma tomo Puluman.

ona li pana e jan ike tawa jan utala pi jan lawa ma tomo.

ona li ken jo e mani tan jan lawa.

ona li toki e ni: “mi jo e mani. tenpo ni la, mi tawa seme?”

ona li weka tan ma tomo.