lipu pi jan Jono

  pimeja li lon ale. mi lukin e ala. kalama ala li lon. mi kute e ala. ijo suli li lon pimeja. ona li pali ala e kalama. mi ken ala lukin e ona. mi ken ala kute e ona. ona li jo e kasi pimeja suli lon sewi lawa ona. luka kasi li tawa kon sewi. mi ken ala lukin e ona. mi ken ala kute e ona. waso pimeja li kama tawa kasi. waso li anpa tawa luka kasi li mu. mi ken ala lukin e ona. taso mi ken kute e ona. ijo suli li sewi oko li lukin e waso. waso li pini e mu. mi ken kute e ala.

  jan Okowan li tawa poka telo suli. ona li wile tawa ma telo Pokan. soweli ike suli li utala e jan lon ma telo Pokan. jan li wile e ni: jan utala li kama tawa ma telo Pokan li moli e soweli ike suli. jan Okowan li kute e ni li wile tawa ma telo Pokan. ona li lukin e tomo tawa telo tawa ma telo Pokan. jan pi tomo tawa telo li wile ala tawa ona. jan li toki e ni: “nena telo suli li lon nasin telo tawa ma telo Pokan. soweli ike suli li lon ma telo Pokan. mi ken ala tawa ona.” tenpo suno wan li pini. jan Okowan li lukin e tomo tawa telo. jan wan li kama tawa ona li toki e ni: “sina wile ala wile e tomo tawa telo tawa ma telo Pokan?” jan Okowan li toki e ni: “wile!” jan li toki e ni: “mi li jo e tomo tawa telo li ken tawa e sina.” ni li pona tawa jan Okowan. ona li toki e ni: “pona! sina ken tawa lon tenpo seme?” jan li toki e ni: “mi wile tawa lon tenpo suno sewi. tenpo ni la, o kama!” jan Okowan li toki e ni: “mi wile kama lon tenpo ni.” ona li weka tan jan li esun e ijo. ona li tawa pok

suno li sike. mun li sike. ma li sike. sike li pona lukin. suno li tawa sike. mun li tawa sike. ma li tawa sike. sike li pona lukin. sike li pali e tenpo. suno li kama la mun li tawa. mun li kama la suno li tawa. ni li tenpo. tenpo li tawa sike. tenpo li sike.

jan Okowan li tawa lon ma ko seli. tenpo suno mute li pini la, ona li ken lon ma tomo Tain. ma tomo Tain li suli li jo e jan mute. jan Okowan li alasa e pali lon ni. ona li tawa tomo pi telo nasa. pali jan utala mute li lon ni. ona li lukin e lipu lon supa. lipu mute li pona ala tawa ona. lipu wan taso li pona tawa ona. “ko pimeja: mani mute mute” lipu li toki e ni: “ko pimeja li ike li wawa. jan li moli e ni la, ona li ken jo e mani mute mute. ko pimeja li lon tomo kiwen suli pi nena jelo.” jan Okowan li jo e lipu li tawa nena jelo. nena jelo li lon poka pi ma tomo Tain. jan Okowan li sewi lon nena jelo. nena jelo li suli li jo ala e kasi. jan Okowan li kepeken e wawa mute. tenpo mute li pini la, ona li ken lon sinpin pi tomo kiwen suli. ona li lukin e tomo kiwen suli. ala li lon poka pi tomo kiwen suli. jan Okowan li tawa insa. ona li lukin e jan wan lon insa. jan li moli lukin. jan Okowan li kute e kon jan. jan li moli ala. jan Okowan li anpa poka ona li awen. tenpo li pini la, jan

  soweli li lape lon kasi. suno li lon sewi. suno li pana e seli tawa soweli. soweli li lukin e suno. ona li jo ala e pali. ona li lape. ale li pona. suno li tawa anpa ma. tenpo pimeja li kama. soweli li alasa e moku. ona li moku. ona li jo ala e pali. ni li pona tawa ona. ona li tawa kasi li lape. kalama ala li lon pimeja. ale li pona.

  jan Okowan li tawa lon ma lete. ona li alasa e soweli walo suli. selo pi soweli walo suli li wile pana e mani mute tawa ona. tenpo suno mute li pini la, ona li lukin e soweli walo suli. ona li utala e soweli walo suli. soweli walo suli li pakala li weka tan ona. ona li lukin e telo loje lon ma walo. jan Okowan li ken alasa e soweli. sowlei walo suli li lon monsi kiwen suli. jan Okowan li utala sin e soweli. soweli li mu li moli. jan Okowan li pali e moku e selo tan soweli. tenpo ni la, jan walo li kama tawa monsi jan Okowan. jan Okowan li sona ala ni. jan walo li sewi e luka li pali e palisa lete lon kon. ona li pana e ni tawa jan Okowan. jan Okowan li kute e kalama li tawa poka. ona li lukin e jan walo. jan walo li meli. kon walo lete li kama tan ona. jan Okowan li toki e ni: “sina utala e mi tan seme?” meli lete li toki e ni: “sina moli e soweli mi lon ma mi. sina wile moli!” jan Okowan li toki e ni: “taso mi alasa e soweli ni tan ma seli. ma seli li ma sina ala. sina ken ala moli