jan Okowan en akesi
jan Okowan li tawa nena.
ona li kute e ni: “akesi li lon nena. jan li moli e akesi la, ona li kama jo e wawa.“
jan Okowan li wile e wawa.
ona li tawa nena.
ona li tawa sewi lon nena.
ona li lukin e lupa li tawa insa.
akesi li lon insa.
ona li lape li sona ala ni: jan Okowan li wile alasa e ona.
jan Okowan li tawa akesi lon kalama ala.
ona li sewi e ilo moli.
ilo moli ona li wawa.
taso akesi li jo e selo kiwen.
jan Okowan li sona e ni: ‘mi ken ala pakala e akesi kepeken ilo moli mi. oko akesi li wawa ala. mi wile utala e oko.’
ona li utala e oko akesi.
ona li ken pakala e akesi.
akesi li mu.
akesi li toki e ni: “jan wawa, o moli ala e mi. akesi lili mi li wile kama lon.”
jan Okowan li kute e ni li pilin ike.
ona li toki e ni: “akesi o. mi pilin ike. mi wile ala moli e sina. o kama jo e akesi lili sina li lon pona.”
ni li pona tawa akesi.
akesi li toki e ni: “sina pona. mi wile pana e ijo pona tawa sina. o moku e telo loje mi. sina wile kama wawa. o jo e selo mi. sina ken pali e ilo moli wawa mute kepeken ni.”
jan Okowan li moku e telo loje akesi li jo e selo akesi.
akesi li toki e ni: “tenpo ni la, sina jan pona mi. sina wile la, mi wile pana e wawa mi lon tenpo wan tu.”
ni li pona tawa jan Okowan.
ona li weka tan lupa li anpa tan nena.
ona li tawa ma mute.
ona li ken pakala e jan ike kepeken wawa tan akesi en ilo moli pi selo akesi.
ni li toki pi jan utala Okowan.
ni li pona mute a tawa mi. sina pona! toki ni li pona e sona mi pi toki pona.
ReplyDeletetoki musi ni mi pona tawa mi
ReplyDelete