jan lawa suli Muto

tenpo pini la jan Muto li lon ma pi soweli suli.

jan pi soweli suli li suli li wawa.

taso jan Muto li suli ala li wawa ala.

jan ante li toki ike e ona.

ona li wile kama suli li wile kama wawa.

ona li kute e toki pi jan ante.

jan li toki e ni: “jan utala suli li lon nena pimeja. ona li jo e nasin pi luka pini. jan li sona e nasin ona la ona li kama wawa.”

toki ni li pona tawa jan Muto.

ona li tawa nena pimeja.

ona li tawa mute lon nena pimeja ale.

taso ona li ken ala lukin e jan utala suli.

ona li pilin ike li anpa e sijelo poka kasi suli.

tenpo ni la jan li kama tawa ona.

jan Muto li toki e ni tawa jan: “sina sona ala sona e jan utala suli?”

jan li lukin e ona li toki e ni: “sina alasa e ona tan seme?”

jan Muto li toki e ni: “mi wile kama wawa li wile kam suli. mi wile sona e nasin pi luka pini ona.”

jan li toki e ni tawa jan Muto: “sina wile kama wawa tan seme?”

jan Muto li toki e ni: “mi suli ala li wawa ala. jan ante li toki ike e mi. mi wile utala e jan ona.”

jan li kute li toki e ni: ”sina wile utala e jan ante kepeken wawa la wawa li wile utala e sina.”

jan Muto li ken sona e ni: toki ni li lon. ona wile kute e ni.

jan Muto li sewi e sijelo ona li anpa e lawa tawa jan.

ona li toki e ni: “toki sina li lon. sina ken pana e sona sina tawa mi?”

tenpo ni la jan li sewi e pini uta li toki e ni: “sina ken kute e sona pona. sina ken sona e nasin pi luka pini tan mi.”

ni la jan Muto li kama sona e ni: jan li jan utala suli.

jan utala suli li pana e nasin pi luka pini tawa jan Muto.

jan Muto li kama jan utala suli.

ona li tawa ma ale li utala e jan utala ante.

ona li ken anpa e jan utala ale.

ona li kama lawa pi jan utala.

jan pi ma ale li kama sona e ona.

jan pi ma ale li anpa e lawa tawa ona.

jan Muto li kama jan lawa pi jan utala.

jan lawa suli Muto.