jan Okowan en waso ike
![Image](https://blogger.googleusercontent.com/img/b/R29vZ2xl/AVvXsEhyJHmsQVUKJWjlkbmwllJMR9BvP_ZDlUajAChB0ew2Rx9lZrQiupKUdvqL96VDSckpc50Td7VXgsLpXG8j1ivn7HlIEJLBdmcr4W4PZapbf6NmTMylPAGdyh8KgGxu6pPaNJkCcrIpYd8lV3saL-1dPcfihzDfTzgtZXIJVaPvF55EFsQ1r6sjPbbtsi0/s320/IMG_5061.jpeg)
jan Okowan li tawa lon poka telo suli. nena telo li kama li tawa. jan Okowan li kute e kalama telo. ni li pona tawa ona. ona li toki e kalama musi li tawa. tenpo li pini la, ona li lukin e jan lon ma. jan li awen anpa li tawa ala. jan Okowan li tawa ona. ona li moli ala. jan Okowan li awen e ona. tenpo lili li pini la, ona li sewi e lawa li lukin e jan Okowan. ona li toki e ni: “waso ike li tawa seme? sina jan seme? ・・・ sina awen ala awen e mi?” ona li nasa lukin. jan Okowan li toki e ni: “mi tawa la, mi lukin e sina. sina tawa ala.” jan li toki e ni: “waso ike li lon seme? ona li utala e mi. mi kama weka tan ona.” jan Okowan li toki e ni: “mi lukin ala e waso. waso ike? sina toki e seme?” jan li toki e ni: “sina kama tan ma ante. waso ike suli li lon ma ni. ona li kama ma tomo li alasa e jan.” jan li lon ma tomo Pokate. jan Okowan li sona e ni: ‘waso ike li ike kin. mi wile moli e ona.’ ona li toki e ni tawa jan: “mi wile tawa ma tomo sina li moli e waso ike.” jan li kute e ni li