lipu pi jan Jono

  soweli li lape lon kasi. suno li lon sewi. suno li pana e seli tawa soweli. soweli li lukin e suno. ona li jo ala e pali. ona li lape. ale li pona. suno li tawa anpa ma. tenpo pimeja li kama. soweli li alasa e moku. ona li moku. ona li jo ala e pali. ni li pona tawa ona. ona li tawa kasi li lape. kalama ala li lon pimeja. ale li pona.

  jan Okowan li tawa lon ma lete. ona li alasa e soweli walo suli. selo pi soweli walo suli li wile pana e mani mute tawa ona. tenpo suno mute li pini la, ona li lukin e soweli walo suli. ona li utala e soweli walo suli. soweli walo suli li pakala li weka tan ona. ona li lukin e telo loje lon ma walo. jan Okowan li ken alasa e soweli. sowlei walo suli li lon monsi kiwen suli. jan Okowan li utala sin e soweli. soweli li mu li moli. jan Okowan li pali e moku e selo tan soweli. tenpo ni la, jan walo li kama tawa monsi jan Okowan. jan Okowan li sona ala ni. jan walo li sewi e luka li pali e palisa lete lon kon. ona li pana e ni tawa jan Okowan. jan Okowan li kute e kalama li tawa poka. ona li lukin e jan walo. jan walo li meli. kon walo lete li kama tan ona. jan Okowan li toki e ni: “sina utala e mi tan seme?” meli lete li toki e ni: “sina moli e soweli mi lon ma mi. sina wile moli!” jan Okowan li toki e ni: “taso mi alasa e soweli ni tan ma seli. ma seli li ma sina ala. sina ken ala moli

kasi lili mute li lon ma laso jelo. kon pona li kama tan ma kasi laso jelo. jan li alasa e lipu pi kasi lili. jan li seli e lipu kasi. jan li seli e telo. jan li pana e lipu kasi tawa telo seli. tenpo kama la, telo seli li kama laso jelo. kon pona li kama tan telo laso jelo. ni li kon laso jelo anu seme?

jan Okowan li tawa lon ma lete. ona li wile pali e ilo moli kepeken selo akesi. ona kute e ni: jan pi ma soweli kiwen li pali e ilo moli pona. ona li tawa ma soweli kiwen. ma soweli kiwen li lete li walo. jan Okowan li kama ma tomo wan. ona li lete mute. jan pali wan taso li ken kepeken e selo akesi. jan Okowan li toki e ni tawa jan pali: “mi jo e selo akesi. sina ken ala ken plai e ilo moli pona kepeken ona?” jan pali li toki e ni: “mi wile ala pali e ilo moli. ilo moli pona? ilo moli li ken ala pona. ilo moli ale li ike.” jan Okowan li kama sona e ni: jan pali li jo e sona lon. taso ona li jo e sona ante. ona li toki e ni tawa jan pali: “sina lon. taso mi jo e sona ante. jan ike li utala e mi la, mi wile utala e ona. tenpo ni la, mi wile e ilo moli.” toki ni li ike tawa jan pali. jan pali li toki e ni: “mi wile pali e ilo moli.” jan Okowan li wile weka tan jan pali. tenpo ni la, jan ma tomo li kama li toki e ni: “jan Laki! soweli suli li utala e ma tomo. ona li tawa tomo sina. o kama

jan li seli e kili pimeja. jan li pakala e ni. jan li pana e ni insa telo seli. jan li ken jo e telo pimeja. jan li pana e moku tawa soweli. soweli li jo e soweli lili. soweli li pana e telo walo tawa soweli lili. jan li kama jo e telo wlao tan soweli. ni la, jan li jo e telo pimeja e telo walo. jan li pana e tu tawa poki. piki pi telo pimeja walo. pona tu li kama pona wan. mi mute o moku! (taso kule ni li pimeja walo anu seme?)

  jan Okowan li tawa nena. ona li kute e ni: “akesi li lon nena. jan li moli e akesi la, ona li kama jo e wawa.“ jan Okowan li wile e wawa. ona li tawa nena. ona li tawa sewi lon nena. ona li lukin e lupa li tawa insa. akesi li lon insa. ona li lape li sona ala ni: jan Okowan li wile alasa e ona. jan Okowan li tawa akesi lon kalama ala. ona li sewi e ilo moli. ilo moli ona li wawa. taso akesi li jo e selo kiwen. jan Okowan li sona e ni: ‘mi ken ala pakala e akesi kepeken ilo moli mi. oko akesi li wawa ala. mi wile utala e oko.’ ona li utala e oko akesi. ona li ken pakala e akesi. akesi li mu. akesi li toki e ni: “jan wawa, o moli ala e mi. akesi lili mi li wile kama lon.” jan Okowan li kute e ni li pilin ike. ona li toki e ni: “akesi o. mi pilin ike. mi wile ala moli e sina. o kama jo e akesi lili sina li lon pona.” ni li pona tawa akesi. akesi li toki e ni: “sina pona. mi wile pana e ijo pona tawa sina. o moku e telo loje mi. sina wile kama wawa. o jo e selo mi. sina ken pali e ilo mo