lipu pi jan Jono

kasi lili mute li lon ma laso jelo. kon pona li kama tan ma kasi laso jelo. jan li alasa e lipu pi kasi lili. jan li seli e lipu kasi. jan li seli e telo. jan li pana e lipu kasi tawa telo seli. tenpo kama la, telo seli li kama laso jelo. kon pona li kama tan telo laso jelo. ni li kon laso jelo anu seme?

jan Okowan li tawa lon ma lete. ona li wile pali e ilo moli kepeken selo akesi. ona kute e ni: jan pi ma soweli kiwen li pali e ilo moli pona. ona li tawa ma soweli kiwen. ma soweli kiwen li lete li walo. jan Okowan li kama ma tomo wan. ona li lete mute. jan pali wan taso li ken kepeken e selo akesi. jan Okowan li toki e ni tawa jan pali: “mi jo e selo akesi. sina ken ala ken plai e ilo moli pona kepeken ona?” jan pali li toki e ni: “mi wile ala pali e ilo moli. ilo moli pona? ilo moli li ken ala pona. ilo moli ale li ike.” jan Okowan li kama sona e ni: jan pali li jo e sona lon. taso ona li jo e sona ante. ona li toki e ni tawa jan pali: “sina lon. taso mi jo e sona ante. jan ike li utala e mi la, mi wile utala e ona. tenpo ni la, mi wile e ilo moli.” toki ni li ike tawa jan pali. jan pali li toki e ni: “mi wile pali e ilo moli.” jan Okowan li wile weka tan jan pali. tenpo ni la, jan ma tomo li kama li toki e ni: “jan Laki! soweli suli li utala e ma tomo. ona li tawa tomo sina. o kama

jan li seli e kili pimeja. jan li pakala e ni. jan li pana e ni insa telo seli. jan li ken jo e telo pimeja. jan li pana e moku tawa soweli. soweli li jo e soweli lili. soweli li pana e telo walo tawa soweli lili. jan li kama jo e telo wlao tan soweli. ni la, jan li jo e telo pimeja e telo walo. jan li pana e tu tawa poki. piki pi telo pimeja walo. pona tu li kama pona wan. mi mute o moku! (taso kule ni li pimeja walo anu seme?)

  jan Okowan li tawa nena. ona li kute e ni: “akesi li lon nena. jan li moli e akesi la, ona li kama jo e wawa.“ jan Okowan li wile e wawa. ona li tawa nena. ona li tawa sewi lon nena. ona li lukin e lupa li tawa insa. akesi li lon insa. ona li lape li sona ala ni: jan Okowan li wile alasa e ona. jan Okowan li tawa akesi lon kalama ala. ona li sewi e ilo moli. ilo moli ona li wawa. taso akesi li jo e selo kiwen. jan Okowan li sona e ni: ‘mi ken ala pakala e akesi kepeken ilo moli mi. oko akesi li wawa ala. mi wile utala e oko.’ ona li utala e oko akesi. ona li ken pakala e akesi. akesi li mu. akesi li toki e ni: “jan wawa, o moli ala e mi. akesi lili mi li wile kama lon.” jan Okowan li kute e ni li pilin ike. ona li toki e ni: “akesi o. mi pilin ike. mi wile ala moli e sina. o kama jo e akesi lili sina li lon pona.” ni li pona tawa akesi. akesi li toki e ni: “sina pona. mi wile pana e ijo pona tawa sina. o moku e telo loje mi. sina wile kama wawa. o jo e selo mi. sina ken pali e ilo mo

  jan li moku e telo. jan li ken lon tan ni. telo li kama telo loje lon insa jan. telo loje li tawa lon sijelo jan. telo loje li tawa jan kama. jan kama li pana e telo loje tawa jan kama sin. kulupu jan li kama suli tan ni. telo loje li weka tan sijelo jan la, jan li moli. ni la, telo loje li tawa ma anu telo. tenpo li pini la, telo loje li kama telo. telo li tawa ma ale. tawa kon sewi. tawa telo tawa. tawa telo suli. tawa insa ma. jan li moku e telo sin. jan li lon tan ni. telo li kama telo loje sin.

  lipu suli li toki e ni: nimi li lon. ni la nimi li jo e wawa. jan li sona e nimi sina la ona li ken jo e sina. o pana ala e nimi sina tawa jan ante. jan sona li pana ala e nimi. ona li pali e nimi ante li pana e ni. sina o pana ala e nimi sina tawa jan ante. sina pana e nimi la sina pali e nimi ante li pana e ni. nimi ni li ala lon li jo e wawa. jan ike li lon ma ale li wle utala e sina. o awen e sina tan ike.

  mi tawa tomo jan pona. mi jo e tenpo. mi tawa tomo pi telo pimeja. pilin pona li lon ona. kalama musi li lon ona. mi toki e ni: “mi wile e telo pimeja.” jan pi tomo telo pimeja li pana e telo pimeja tawa mi. mi tawa supa moku li anpa tawa supa monsi. mi moku e telo pimeja.  ni li pona e sijelo e pilin. mi lukin e lipu. tenpo mute li tawa. mi ken ala tawa tomo jan pona. mi wile tawa tomo mi. mi ike. mu ・・・